UzAuto Motors ommabop avtomobillar uchun shartnomalarni yangilaganini ma’lum qilgandi. Kompaniya matbuot xizmatining xabar qilishicha, yangi avtomobillar uchun shartnoma tuzish boshlangani e’lon qilingandan so‘ng bir necha soat ichida 13 203 ta avtomobilga shartnoma tuzilgan.
Ma’lum qilinishicha, kontraktatsiyaning ochilishi hamda yangi avtomobillarga sotuvning boshlanishiga bo‘lgan yuqori talab va qiziqish sababli, dilerlik korxonalari oxirgi mijozga qadar ishlashga qaror qilgan.
Chevrolet Lacetti avtomobili uchun 6 300 ta va Chevrolet Cobalt modeli uchun 4 700 ta shartnoma tuzilgan. Ushbu avtomobil modellari xaridorlar orasida eng ommabop modellar bo‘lgan.
Shuningdek, Chevrolet Traverse va Tahoe avtomobillarini xarid qilish uchun arizalar qabul qilish boshlanganidan so‘ng, dastlabki 20 daqiqada kompaniyaga 200 dan ortiq buyurtma kelib tushgan. Ushbu avtomobillarga ariza qabul qilishning ilk kuni natijalariga ko‘ra, 320 dan ortiq buyurtma olingan.
Eslatib o‘tamiz, 3-martdan UzAuto Motors avtomobillari uchun shartnoma tuzish boshlangan. Shuningdek, kompaniya xaridorlarga qo‘shimcha qulaylik yaratish maqsadida, oldinda to‘lov miqdorini 85 foizdan 50 foizga tushirgan.
Izoh (0)