“O‘zgidromet” 5—9-mart kunlari kutilayotgan kuchli yomg‘irlar yog‘ishi sababli respublikaning tog‘oldi va tog‘li hududlarida sel xavfidan ogohlantirdi .
Qayd etilishicha, quyidagi hududlarda sel kelishi xavfi e’lon qilinadi:
- Qashqadaryo viloyati: Yakkabog‘, Dehqonobod, Chiroqchi, Kitob, Shahrisabz, Qamashi, G‘uzor, Koson tumanlarida;
- Surxondaryo viloyati: Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on tumanlarida;
- Samarqand viloyati: Urgut, Samarqand, Bulung‘ur, Nurobod, Qo‘shrabot, Kattaqo‘rg‘on tumanlarida;
- Navoiy viloyati: Xatirchi, Navbahor, Nurota, Konimex, Karmana tumanlarida;
- Jizzax viloyati: Zomin, Baxmal, G‘allorol, Sharof Rashidov, Forish, Yangiobod, Zafarabod tumanlarida;
- Toshkent viloyati: Ohangaron, Bo‘stonliq, Parkent, Yuqori Chirchiq, Piskent, Bekobod tumanlarida;
- Namangan viloyati: Pop, Kosonsoy, Chortoq, Chust, Namangan, Yangiqo‘rg‘on tumanlarida;
- Fаrg‘ona viloyati: So‘x, Fаrg‘ona, Beshariq tumanlarida;
- Andijon viloyati: Andijon, Jalaquduq, Qo‘rg‘ontepa, Paxtaobod, Ulug‘nor tumanlarida.
Eslatib o‘tamiz, O‘zbekistonning tog‘li hududlarida 25-fevral kuni qor ko‘chishi va sel kelish xavfi borligi ma’lum qilingandi. Shu kuni sel kelish xavfi Qashqadaryo, Jizzax, Surxondaryo, Samarqand viloyatida mavjud bo‘lgan. Tog‘li hududlarda qor ko‘chish xavfi 28-fevralgacha saqlanib qolishi, shu sababli “O‘zgidromet” tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rishga chaqirgani xabar qilingan.
Izoh (0)