O‘zbekistonda dam olish kunlari yomg‘ir yog‘ib, shimolda qorga aylanishi mumkin

Respublika Gidrometeorologiya markazi dam 5—6-mart kunlari kuzatiladigan ob-havo haqida ma’lumot berdi.

Qayd etilishicha, dam olish kunlari respublika bo‘yicha ba’zi joylarda yomg‘ir yog‘adi, yakshanba kuni shimolda qorga aylanishi mumkin. Tog‘oldi va tog‘li hududlarda yog‘ingarchilik, ba’zi joylarda kuchli bo‘ladi. Havo harorati pasayadi va 5-martda kechasi 10-15 daraja iliqni, kunduzi 13-18 daraja iliqni, 6-marta kechasi 5-10 daraja iliqni, kunduzi 12-17 daraja iliqni tashkil etadi.

4-mart, juma kuni O‘zbekistonga Eron hududlaridan iliq havoning jadal kirib kelishi, so‘ngra Kavkaz hududlaridan nisbatan salqin havo kirib kelishi natijasida respublika bo‘yicha ba’zi joylarda shamol tezligi 18-23 metr/sekundgacha kuchayadi va chang-to‘zonlar kuzatilishi mumkin. Qoraqalpog‘iston Respublikasi, Buxoro, Navoiy, Samarqand, Jizzax, Qashqadaryo viloyatlarining ayrim joylarida shamol tezligi 25-30 metr/sekundgacha kuchayishi mumkin.