AQShdagi Respublikachilar partiyasi senatori Lindsi Gremning aytishicha, Ukrainadagi urushni to‘xtatishning yagona yo‘li — Rossiya prezidenti Vladimir Putinni o‘ldirish. Bu haqda u Twitter’da yozgan.
Rossiyada Brutlar bormi o‘zi? Rossiya armiyasida zafarli polkovnik Shtauffenberg bormi? Bunga (urushga — tahr.) chek qo‘yishning yagona yo‘li — Rossiyada kimdir anavi odamni gumdon qilishi. Bu bilan o‘z mamlakatingiz va butun dunyoga katta xizmat qilgan bo‘lasiz.Rossiyaning Vashingtondagi elchisi Anatoliy Antonov Facebook’da Gremning “jinoiy bayonoti”ni qoralab, uni “terrorizmga da’vat” deb ta’rifladi.Hammasini to‘g‘rilay oladigan yagona xalq — bu rus xalqi. Aytish oson, qilish qiyin. Agar siz butun umr zulmatda yashashni, o‘ta qashshoqlik va izolyatsiyada qolishni istamasangiz, oldinga qadam tashlashingiz kerak, — deb yozgan AQSh senatori.
Men amerikalik siyosatchining bayonotini nomaqbul va g‘azabnok deb bilaman. Qo‘shma Shtatlardagi rusofobiya va Rossiyaga nisbatan nafrat darajasi chegaradan oshmoqda. O‘zining axloqiy qadriyatlarini butun insoniyat uchun “yo‘lchi yulduz” sifatida targ‘ib qilayotgan senator Vashingtonning xalqaro maydondagi maqsadlariga erishish yo‘lida terrorizmga da’vat etishiga aqlbovar qilmaydi. Tepasida shunday mas’uliyatsiz va noprofessional siyosatchilar turgan AQSh taqdiri uchun bu qo‘rqinchli bo‘lib bormoqda. Biz bu amerikalikning jinoiy bayonotlari uchun rasmiy tushuntirish va qat’iy qoralashlarni talab qilamiz, — deydi Rossiya elchisi.Rossiya Fuqarolik palatasi Lindsi Gremning bayonotlari yuzasidan jinoiy ish qo‘zg‘atish talabi bilan Bosh prokuraturaga murojaat qilmoqchiligini bildirgan.
24-fevral kuni Rossiya prezidenti Vladimir Putin Donbass aholisini himoya qilish, Ukrainani “demilitarizatsiya” va “denasifikatsiya qilish” uchun “maxsus harbiy operatsiya” boshlanganini e’lon qildi. Kreml gap “harbiy salohiyatni zararsizlantirish” va “Ukrainani natsistlardan tozalash” haqida ketayotganini tushuntirdi.
Ukraina shaharlarida sakkiz kundan buyon o‘t ochishlar davom etmoqda. 27-fevral kuni Ukraina Rossiya ustidan Xalqaro sudga rasman da’vo arizasini berdi. Unda o‘z tajovuzini oqlash maqsadida genotsid tushunchasini buzib ko‘rsatgani uchun Rossiyaning javobgarlikka tortilishi talab qilingan. 3-mart kuni Xalqaro jinoiy sud Ukrainadagi vaziyat yuzasidan tergovni boshladi.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)