Barchaga ma’lumki, pitssada xamir asosiy narsa. Ba’zida shunday vaqt bo‘ladiki, pitssa tanovul qilish istagi bor-u, xamir qorishga vaqt yo‘q. Buning ajoyib yechimi bor. Juda tez va mazali pitssa tayyorlash mumkin, buning uchun un bilan umuman ovora bo‘lish shart emas.
Baget pitssa
Qoidaga ko‘ra, uyda har doim pitssa uchun mahsulotlar mavjud bo‘ladi: zaytun, kolbasa yoki pishirilgan go‘sht, pomidor sousi, pishloq. Faqatgina batonning uzun to‘rtburchak shakldagisini sotib olish kifoya. U uzunligi bo‘ylab yarmiga bo‘linadi va qolgani barcha jarayon odatiy amalga oshiriladi: pomidor sousi, kolbasa, pishloq. Pechga 10-15 daqiqa qo‘yiladi va pitssa tayyor!
Xamiri tayyor pitssa
Bir zumda pitssa tayyorlashning yana bir ajoyib usuli tayyor xamir sotib olishdir. Bu pitssa sotib olgandan ko‘ra ancha arzonga tushadi. Shuningdek, vaqtdan ham yutish mumkin. Qandolat markazlari yokki novvoyxonalardan tayyor xamir sotib oling. Qolgan jarayon esa ta’bga ko‘ra pishiriladi.
Pita nondan tayyorlangan pitssa
Pitssa uchun yaxshi asos pita noni bo‘lib, uni har qanday novvoyxonada xarid qilish mumkin. Nonga sous surtib, ustini uyda bor mahsulotlar bilan to‘ldirish mumkin. So‘ngra pechda 12-15 daqiqa davomida pishiriladi.
Tortilya noni ustidagi pitssa
Ushbu turdagi nonlar bug‘doy, makkajo‘xori, don, pishloqli bo‘ladi. Tortilyalar juda yupqa bo‘lgani uchun, undan pitssa tayyorlashdan avval pishirish varag‘iga qo‘yib, odatdagidek masalliqlar solinadi va pechga qo‘yiladi.
Tayyor korjikli pitssa
Bugungi kunda supermarketlarda nafaqat tayyor xamirni, balki aylana shaklida pishirilgan korjiklarni ham sotib olish mumkin. Ularni muzdan tushirishning hojati yo‘q, buning uchun pechda pishirish yetarli. Pitssani juda yaxshi ko‘ruvchilar bu kabi korjiklarning bir nechtasini muzlatkichda ham saqlashi mumkin.
Izoh (0)