Toshkent shahar Yakkasaroy tumani Nukus va Bobur ko‘chalari kesishuvidagi biznes-markaz kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, 2015-yilda qurilgan 4 qavatli bino 75 xonadan iborat. Ofis 0,15 gektar maydonda joylashgan. Binoning umumiy maydoni 4 075 kvadrat metrni tashki qiladi.
Biznes-markazda kanalizatsiya, suv va elektr ta’minoti bor bo‘lsa-da, gaz ta’minoti mavjud emas.
Auksionga qo‘yilgan ofisning boshlang‘ich bahosi — 46,5 mlrd so‘m. Arizalar 11-mart 09:00 ga qadar qabul qilinadi. Savdolar xuddi shu kuni 10:00 da boshlanadi.
Bino fuqarolik ishlari bo‘yicha sud hukmi bilan Yashnobod tumani MIB bo‘limi tomonidan auksionga qo‘yilgan.
Avvalroq Namanganda “Rim” restorani 15 mlrd so‘mga auksionga qo‘yilgani haqida xabar berilgan edi.
Izoh (0)