Ijtimoiy tarmoqlarda xavfsizlik kamari taqmagan haydovchilarni aniqlaydigan qurilma ishga tushgani haqida xabarlar tarqaldi. Yo‘l harakati xavfsizligi bosh boshqarmasi matbuot kotibi Azizxon Murodov “Daryo”ga holat bo‘yicha ma’lumot berdi.
Qayd etilishicha, 15-fevral kuni Sirdaryo viloyati YHXB tomonidan viloyat hududidan o‘tuvchi xalqaro ahamiyatga ega M-39 avtomobil yo‘lining 871-kilometrida joylashgan Sirdaryo YPX maskanida harakatlanib o‘tayotgan transport vositalarining haydovchilari boshqaruv vaqtida xavfsizlik kamaridan foydalangan yoki yo‘qligini aniqlovchi maxsus videokuzatuv moslamalari o‘rnatilgan. Ayni kunlarda mazkur moslama sinovdan o‘tkazilmoqda.
“Sinov muddati yakuniy natijalariga ko‘ra, ommaviy axborot vositalarida va internet ijtimoiy tarmoqlarida qo‘shimcha ma’lumotlar beriladi”, — deyiladi xabarda.
Mavzuga doir:
Izoh (0)