IrAero aviakompaniyasining Samarqand—Irkutsk yo‘nalishi bo‘yicha uchgan samolyotidagi 61 nafar yo‘lovchining bagaji aeroportda qoldirib ketildi. Bu haqda “O‘zaviatsiya” agentligi xabar berdi.
Qayd etilishicha, 28-fevral kuni IAE598 raqamli charter parvozi RRJ-95 (Sukhoi Superjet 100) samolyotida amalga oshirilgan.
Samarqand aeroportidan jo‘nab ketishdan oldin, havo kemasi ekipaji tomonidan marshrutdagi shamolning tezligi va yo‘nalishini hisobga olgan holda yetarlicha yonilg‘i quyish to‘risida qaror qabul qilingan.
Shu sababli ekipaj a’zolari Samarqand aeroportidan jami 90 nafar yo‘lovchi va 423 kilogramm yuk bilan uchib ketgan. Ushbu samolyotda o‘sha kuni uchish vazni chegaralanganligi sababli 61 nafar yo‘lovchining bagaji Samarqand aeroportida bortga ortilmagan.
IrAero aviakompaniyasidan olingan ma’lumotlarga ko‘ra, yo‘lovchilarning qolib ketgan bagajlarini “Sibir” aviakompaniyasining 2-martga rejalashtirilgan Samarqand—Irkutsk yo‘nalishidagi charter parvozi bilan yetkazilishiga kelishilgan.
Izoh (0)