2-mart kuni O‘zbekistonga COVAX dasturi doirasida shpris va ularni xavfsiz utilizatsiya qilish uchun qutilardan iborat umumiy qiymati 669 ming dollarga teng bo‘lgan yuk yetib keldi. Bu haqda UNICEF’ning O‘zbekistondagi vakolatxonasi matbuot xizmati xabar berdi.
Ma’lum qilinishicha, shprislar 2022-yilning mart oyi o‘rtalarida yetkazib berish rejalashtirilgan Pfizer-BionNTech vaksinasi bilan emlash uchun ishlatiladi.
Avvalroq COVAX dasturi doirasida O‘zbekistonga yana 2 822 400 doza Moderna vaksinasini yetkazib berilgani, UNICEF orqali O‘zbekistonga ushbu mexanizm doirasida hamda xayriya qilingan COVID-19 ga qarshi vaksinalarining umumiy soni 12,67 million dozaga yetgani to‘g‘risida xabar berilgandi. Ularning umumiy qiymati 97,4 million AQSh dollarini tashkil etmoqda.
25-fevral kuni Sanitariya-epidemiologik osoyishtalik xizmati rahbari Bahodir Yusupaliyev mart, iyun va iyul oylarida yana 4 million doza Pfizer vaksinasi olib kelinishini ma’lum qilgandi.
Izoh (0)