O‘zbekistonda ishlab chiqarilgan 3 296 000 doza ZF-UZ-VAC2001 vaksinasi foydalanishga topshirildi, deb xabar beradi SSV matbuot xizmati.
Shunday qilib, O‘zbekistonda foydalanilayotgan vaksinalar miqdori 57 011 423 dozaga yetdi.
Ulardan:
- 2 404 480 dozasi AstraZeneca;
- 41 996 268 dozasi ZF-UZ-VAC2001;
- 1 341 790 dozasi “Sputnik V”;
- 6 322 860 dozasi Moderna;
- 2 626 650 dozasi Pfizer/BioNTech;
- 1 976 000 dozasi Sinovac;
- 343 375 dozasi Sputnik Light vaksinasidir.
Eslatib o‘tamiz, Jurabek Laboratories tomonidan ishlab chiqarilgan o‘zbek-xitoy vaksinasining 1 458 820 dozadan iborat birinchi partiyasi 2021-yilning 30-sentabr kuni topshirilgandi. 13-oktabr kuni ZF-UZ-VAC2001 vaksinasining ikkinchi partiyasi ishlab chiqarilgan va Sanitariya-epidemiologik osoyishtalik va jamoat salomatligi xizmatiga yetkazib berilgan edi. 21-oktabrda esa O‘zbekistonda ishlab chiqarilgan ZF-UZ-VAC2001 vaksinasining 2,7 milliondan ortiq dozasi, 12-fevralda 910 mingdan ortiq dozasi emlash uchun topshirilgandi.
Mavzuga doir: Koronavirusga qarshi ishlab chiqilgan sut Qoraqalpog‘iston fermer xo‘jaligidagi sigirlardan olingani ma’lum bo‘ldi
Izoh (0)