Apple kompaniyasi mamlakatning Ukrainaga bostirib kirishi ortidan Rossiyada iPhone va uning boshqa yuqori baholangan texnologik mahsulotlarini sotishni to‘xtatdi. Bu haqda Bloomberg xabar bermoqda.
Qayd etilishicha, Apple RT News va Sputnik News ilovalarini Rossiyadan tashqaridagi App Store do‘konlaridan olib tashlaydi
Biz Rossiyaning Ukrainaga bostirib kirishidan qattiq xavotirdamiz va gumanitar sa’y-harakatlarni qo‘llab-quvvatlaymiz, — deyiladi Apple bayonotida.Bu kabi voqea Apple kompaniyasida birinchi marta sodir bo‘lmayapti. O‘tgan yili iqtisodiy inqiroz va valyuta kursidagi o‘zgarishlar tufayli Turkiyadagi sotuvlar qisqa muddatga to‘xtatilgan edi. Ammo bu dunyodagi eng qimmat kompaniya tomonidan kamdan-kam uchraydigan qadam bo‘lib, taxminan 145 million kishilik xalqni yanada dunyodan uzib qo‘ymoqda.
Boshqa bir nechta kompaniyalar kabi Apple aksiyalari ham tushib ketdi. Bir kunlik aksiyalar narxi 1,2 foizga pasayib, 163,20 dollarni tashkil qilmoqda.
Kompaniya so‘nggi kunlarda Rossiyada Apple Pay xizmati va boshqa onlayn takliflarini cheklashni boshladi.
Avvalroq Boeing Rossiya aviakompaniyalariga ehtiyot qismlar yetkazib berish va texnik xizmat ko‘rsatishni to‘xtatgani haqida xabar berilgan edi.
Izoh (0)