Samarqandda muqaddam sudlangan shaxs bilan til biriktirgan Milliy gvardiya xodimi qo‘lga olindi, deb xabar beradi O‘zA.
Ma’lum qilinishicha, Milliy gvardiyaning Samarqand viloyat qo‘riqlash boshqarmasi nazoratchisi muqaddam 2 marotaba sudlangan shaxs bilan o‘zaro til biriktirib, yer sotishga uringan.
U o‘zganing nomida bo‘lgan fermer xo‘jalikning 6 gektar yer maydonini 157 ming dollarga sotishga kelishib, oldindan 100 ming dollar olgan vaqtida ushlangan.
Hozirda mazkur holat yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari olib borilmoqda.
Avvalroq DXX Namanganda 200 ming dollar pora olayotgan davlat xizmatchisini qo‘lga olgani, Surxondaryoda otasiga tegishli yerni 32,5 million so‘mga sotib yuborishga uringan bojxona inspektori ushlangani to‘g‘risida xabar berilgandi.
Izoh (0)