Davlat xavfsizlik xizmatining Namangan viloyati bo‘yicha boshqarmasi xodimlari tomonidan prokuratura organlari bilan hamkorlikda o‘tkazilgan tezkor tadbirda tanishlari orqali 2 gektar yerni rasmiylashtirib berish uchun 200 ming dollar so‘ragan shaxs ushlandi, deb xabar beradi O‘zA.
Ma’lum qilinishicha, Namangan viloyati qurilish bosh boshqarmasining Davlatobod tuman bo‘limi mutaxassisi tadbirkorga mansabdor tanishlari orqali mazkur tuman hududidan 2 gektar yer maydoni rasmiylashtirib berish hamda u yerga ko‘p qavatli uy va ishlab chiqarish obyekti qurishga ruxsat olib berish evaziga undan 200 ming dollar olgan vaqtida ushlangan.
Avvalroq Surxondaryoda otasiga tegishli yerni 32,5 million so‘mga sotib yuborishga uringan bojxona inspektori qo‘lga olingani, Toshkent tumanida hokimlik zaxirasidan 14 sotix yerni 8 ming dollar evaziga olib berishni va’da qilgan shaxs ushlangani, Toshkentda hokimlik zaxirasidagi yerni 420 ming dollarga sotmoqchi bo‘lgan korxona xodimi qo‘lga olingani to‘g‘risida xabar berilgandi.
Izoh (0)