A Seriya. Eldor Shomurodov zaxiradan tushgan o‘yinda “Roma” 90+8-daqiqadagi gol evaziga g‘alabani ilib ketdi
Futbol bo‘yicha Italiya A Seriyasining 27-turida “Roma” 27-fevral, yakshanba kuni “Spetsiya” mehmoni bo‘ldi.
Birinchi bo‘lim yakunlanishi arafasida maydon egalari bir o‘yinchi kam bo‘lib qoldi. Uchrashuvdagi yagona gol o‘yin oxirida kiritildi.
Hakam tomonidan qo‘shib berilgan vaqtda “Spetsiya” darvozasi tomon penaltini belgilandi. 11 metrlik jarima zarbasini Temmi Abraham golga aylantirdi.
Eldor Shomurodov uchrashuvning 80-daqiqasida zaxiradan maydonga tushdi.
Ushbu g‘alabadan keyin “Roma” ochkolarini 44 taga yetkazib olgan holda 6-o‘rinda bormoqda.
A Seriya
27-tur bahslari
27-fevral, yakshanba
“Spetsiya” — “Roma” 0:1
Gol: 0:1 – 90+8 Abraham.“Spetsiya”: Provedel, Amyan, Nikolau, Erlich, Sala (Majore, 13), Bastoni (Jasi, 63), Kiver, Retsa, Agudelo, Verde (Ferrer, 46), Nzola.
“Roma”: Ruy Patrisiu, Karsdorp, Smolling, Manchini (Zaniolo, 46), Kumbula, Zalevski (Shomurodov, 80), Mxitaryan (Bove, 90), Veretu (ash-Shaaravi, 68), Kristante, Pellegrini, Abraham.
Ogohlantirishlar: Agudelo (30), Amyan (39), Manchini (45), Kumbula (64), Kiver (85), Zaniolo (90+4), Majore (90+6).
Chetlatish: Amyan (45).
