Bugun,

  • USD 11095.31
  • RUB 173.84
  • EUR 10772.44

Shimoliy Koreya 27-fevral kuni sharq tomon noma’lum raketa uchirdi, deb xabar bermoqda Yonhap agentligi Janubiy Koreya harbiylariga tayanib.

Foto: Reuters

Foto: Reuters

Agentlik ma’lumotlariga ko‘ra, Seul hodisa munosabati bilan Milliy xavfsizlik kengashi yig‘ilishini chaqirmoqchi.

Kyodo Yaponiya hukumatiga tayanib, bu ballistik raketa bo‘lishi mumkinligini yozdi, Janubiy Koreya harbiylari ham xuddi shunday fikrda, deya qayd etgan Reuters.

Yaponiya mudofaa vaziri Nobuo Kisining aytishicha, raketa uchirilishi natijasida samolyot yoki kemalarga zarar yetkazilgani haqida ma’lumot yo‘q. Uning so‘zlariga ko‘ra, raketa taxminan 300 km masofaga uchgan, maksimal parvoz balandligi esa 600 km atrofida bo‘lgan.

Shimoliy Koreya oxirgi marta yanvar oyi oxirida ballistik raketa uchirgani haqida xabar berilgan edi. O‘shanda Pxenyan o‘rta masofaga mo‘ljallangan Hwasong-12 raketasini uchirganini tasdiqlagan.

Yanvar oyida AQSh Shimoliy Koreya raketalarini uchirish chastotasi ortib borayotgani sababli Birlashgan Millatlar Tashkiloti orqali yangi sanksiyalar joriy etishni taklif qilgandi, chunki har bir uchirish Xavfsizlik Kengashi rezolyutsiyalarini buzadi. Bunday sanksiyalar birinchi marta 2006-yilda kiritilgan. Ular Shimoliy Koreyaga raketalar, materiallar va ularni ishlab chiqarish uchun zarur texnologiyalarni olib kirish va olib chiqishni taqiqlashni nazarda tutgan. Keyinchalik chora-tadbirlar kompleksi kengaytirilgan.

Izoh
Asosiy yangiliklar
Dunyo
Amerikalik milliarderning terrorchiga aylangan nabirasi, Atlantikada to‘qnashib ketgan ikki suv osti kemasi va AQSHning birinchi prezidentiga aylangan Vashington.
Dunyo
Fransiyada poyezdda ketayotgan yigit o‘zini portlatib yuborish bilan tahdid qildi
Sport
“Barselona” MLS vakilini ro‘yxatdan o‘tkazishda 18 soniya kech qolgan