Toshkent viloyati Piskent tumanida fuqarodan olgan qarzi o‘rniga qalbaki dollar bergan shaxs qo‘lga olindi, deb xabar beradi Bosh prokuratura huzuridagi departament.
Ma’lum qilinishicha, departamentning Piskent tuman bo‘limi tomonidan fuqarolarning huquq va manfaatlarini himoya qilish yuzasidan tergovga qadar tekshiruv o‘tkazilgan. Tekshiruv davomida B.K. ismli shaxs va boshqalar oldindan til biriktirib, fuqaro J.R.dan olgan qarzi evaziga qalbaki 3,2 ming dollar bergani aniqlanib, ashyoviy dalil sifatida olingan.
Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Bundan oldin Toshkent viloyatida 10 ming dollarni noqonuniy sotishga uringan shaxslar ushlangani, Toshkent viloyatida qalbaki 100 ming so‘mlik kupyuralarni tayyorlash bilan shug‘ullangan oila aniqlangani to‘g‘risida xabar berilgandi.
Izoh (0)