Namangan viloyatining Norin tumanida “Jiguli” avtomobilida yong‘in chiqdi, deb xabar beradi viloyat FVB matbuot xizmati.
Ma’lum qilinishicha, 25-fevral kuni soat 21:33 da Norin tumani favqulodda vaziyatlar bo‘limiga “Changitma” MFY hududida “Jiguli” avtomobili yonayotgani to‘g‘risida xabar kelib tushgan. Tuman FVB qutqaruvchilari zudlik bilan hodisa joyiga bitta o‘t o‘chirish ekipajida yetib kelgan va yong‘inni o‘chirgan.
Ta’kidlanishicha, yong‘in oqibatida kuygan, tan jarohatlari olganlar yo‘q. Hozirda holat yuzasidan tergovga qadar tekshiruv ishlari olib borilmoqda.
Avvalroq Qamchiq dovonida yuk avtomobili yonib ketgani, Toshkentda teplovozda yong‘in kelib chiqqani, Samarqandda “Jiguli” yonib ketgani to‘g‘risida xabar berilgandi.
Izoh (0)