Rus tilida so‘zlashadigan olimlar xalqaro assosiatsiyasi (RASA) Rossiyaning Ukrainaga qilgan qurolli hujumini qoralovchi bayonotni e’lon qildi.
Bayonot matnida Rossiya qilayotgan ishlar Ukraina xalqi oldidagi eng og‘ir jinoyat ekanligi, ushbu harakatlar Rossiyani ijtimoiy iztirob va izolyatsiyaga duchor qilishi bayon etilgan. Matnni o‘nlab olimlar, xususan, Nobel mukofoti laureati Andrey Geym ham imzolagan. Quyida Facebook’ka joylashtirilgan bayonot matnini e’tiboringizga havola etamiz.
Biz Rossiya ilmiy diasporasi vakillari Rossiya Federatsiyasining Ukrainaga qarshi zo‘ravonlik harakatlaridan nafratlanamiz. Rossiya qo‘shinlarining asossiz ogohlantirmasdan qo‘shni mamlakatga bostirib kirishi, bombardimon qilishi, raketa zarbalarini yo‘llashi va boshqa harbiy harakatlarni amalga oshirishi oqibatida odamlar halok bo‘lmoqda, bu — Ukraina xalqi oldidagi o‘ta mudhish jinoyat.
Yuzaga kelgan urush Rossiya xalqi uchun ham jinoyat, ushbu qurolli to‘qnashuv oqibatida ular dunyodan uzilib, ijtimoiy iztiroblarda yashashga mahkum. So‘nggi kunlarda fojia va og‘riqlar bilan yashayotgan Ukraina xalqi bilan birga ekanimizni bildiramiz. Hamkasblarimiz – ukrainalik olimlarni ham qo‘llab-quvvatlaymiz. Ukraina hududidagi harbiy harakatlarni zudlik bilan to‘xtatishni va mamlakatdan Rossiya qo‘shinlarini olib chiqib ketishni talab qilamiz.
- Tatyana Bronich, kimyogar
- Yelena Vasserman, biofizik
- Pyotr Vorobev, fizik
- Andrey Geym, fizik
- Vadim Gladishev, biokimyogar
- Sergey Guriyev, iqtisodchi
- Aleksey Dyatkin, kimyogar
- Sergey Yerofeyev, sotsiolog
- Igor Yefimov, biofizik
- Aleksandr Kabanov, kimyogar
- Yevgeniy Kunin, biolog
- Maria Kondratova, bioinformatik
- Aleks Krasnok, fizik
- Mark Lipovetskiy, filolog
- Dmitriy Murzin, kimyogar
- Mixail Papisov, kimyogar
- Aleks Polinskiy, kimyogar
- Mariya Polinskaya, lingvist
- Aleksey Pshejetskiy, biokimyogar
- Roald Sagdeyev, fizik
- Tatyana Tatarinova, bioinformatik
- Aleksey Efros, informatik
- Aleksey Krushelnitskiy, fizik
- Aleksey Oskolskiy, biolog
- Marina Mogilner, tarixchi
- Natalya Berlova, matematik
- Sergey Glebov, tarixchi
- Aleksandr Ishkin, bioinformatik
- Aleksandr Priщepov, geograf
- Aleksandr Slita, biolog
- Svetlana Shepyotkina, epizootolog
- Viktoriya Doronina, mikrobiolog
- Tatyana Kondrateva, immunolog
- Aleksandr Apt, immunogenetik
- Elina Zuyeva, biolog
- Yuliya Rashba, kimyogar
- Anna Guller, biolog
- Yekaterina Viktorova, biolog
- Aleksey Volfson, molekulyar biolog
- Yelena Jurova Sater, iqtisodchi
- Sergey Pustilnikov, immunolog
- Aleksandr Ishov, biolog
- Stanislav Cherepanov, biofizik
- Aleksandr Biryukov, informatik
- Vladimir Polshakov, bioximik
- Sergey Viboyshikov, kimyogar
- Yuliya Golova, kimyogar
- Sergey Turitsin, fizik.
Ukraina prezidenti Vladimir Zelenskiy Putinning harakatini mamlakatni yakson qilish deya baholab, G‘arbni “Putinga qarshi koalitsiya” tuzishga chaqirdi.
24-fevralda Rossiya Ukrainaga bostirib kirgach, Buyuk Britaniya mamlakatga qarshi yangi sanksiyalar qo‘llagan, xususan “Aeroflot” kompaniyasining qirollik hududiga parvozlarini taqiqlagan. AQSh prezidenti Jo Bayden Rossiya Ukraina hududiga bostirib kirgani va u yerda harbiy operatsiyalarni boshlagani uchun mamlakatga nisbatan yangi sanksiyalar joriy qilgan. Shuningdek, Bayden Rossiyaning Ukrainaga hujumi uchun mas’uliyat Vladimir Putinning zimmasida ekani, Rossiya ushbu harbiy operatsiya uchun jiddiy zarbalar qabul qilib olishi haqida gapirgan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)