Vayron bo‘layotgan shaharlar, yaralangan odamlar, shaharga qulagan raketa. Ukrainadan fotoreportaj
Rossiya prezidenti Vladimir Putin 24-fevral tongida Donbassda “maxsus harbiy operatsiya” boshlanganini e’lon qildi. Operatsiyadan maqsad “Kiyev rejimi tomonidan tahqirlash va genotsidga uchragan odamlarni himoya qilishdir”, dedi Putin. 24-fevral kuni erta tongda Kiyev, Xarkov va Dneprda harbiy infratuzilma obyektlariga raketa hujumlari uyushtirildi.
Ukraina ommaviy axborot vositalarining yozishicha, Rossiya qo‘shinlari Xarkov yaqinida Ukraina chegarasini kesib o‘tgan. Shuningdek, Mariupol va Odessaga Rossiya desant qo‘shinlarining tashlangani haqida ham xabar berilgan.
Rossiya Mudofaa vazirligi yuqori aniqlikdagi qurollar yordamida Ukraina armiyasining harbiy infratuzilmasi, havo hujumidan mudofaa qilish obyektlari, harbiy aerodrom va aviatsiyalari ishdan chiqarilayotganini ma’lum qilgan. Harbiylarning ta’kidlashicha, Ukraina shaharlariga hech qanday raketa, aviatsiya yoki artilleriya zarbalari amalga oshirilmagan hamda “Ukraina aholisiga hech qanday xavf yo‘q”.
Quyida Ukainada o‘tkazilayotgan “maxsus harbiy operatsiya” vaqtida olingan suratlarni taqdim etamiz.
Rossiya prezidenti Vladimir Putin Ukraina, Kiyevda “maxsus harbiy operatsiya” boshlanganini e’lon qilganidan so‘ng Ukraina tanklari Mariupol shahri tomon kirib kelmoqda. Foto: Reuters
Politsiya xodimlari Kiyev ko‘chalaridan biriga qulagan raketa qoldiqlarini tekshirmoqda. Foto: Reuters
Avtomobillar Kiyev shahrining chiqish qismiga qarab harakatlanmoqda. Foto: Reuters
Yuk mashinasidagi Ukraina harbiylari, Xarkov viloyati. Foto: Reuters
Kiyevda sodir bo‘lgan portlashlar tufayli shaharni tark etayotganlar tirbandlik yuzaga keltirdi. Foto: Getty Images
Chuguyevdagi harbiy aerodrom ustidan ko‘tarilayotgan qora tutun. Foto: Getty Images
Kiyev aeroportida shaharga qaytish uchun kutib o‘tirgan qizaloq. Foto: Reuters
Rossiya prezidenti urush boshlanganini e’lon qilganidan so‘ng, Kiyev shahridagi bankomat oldida navbatda turgan odamlar. Foto: Reuters
Xarkov yaqinidagi turar joy binosiga berilgan aviazarba oqibatida yaralangan ayol. Foto: Getty Images
Notinchliklardan so‘ng Ukraina metrosidan boshpana topgan odamlar. Foto: Reuters
Kiyev metrosida bir-biriga dalda berayotgan juftlik. Foto: Getty Images
Farzandi bilan Severodonetskdan Luganskka ketayotgan avtobusga o‘tirgan ayol. Foto: Vadim Ghirda / AP Photo
Harbiy harakatlar davom etayotgan vaqtda onasi yonida yig‘lab turgan qizaloq.Foto: The Times
Izoh (0)