Rossiya tomonidan harbiy va muhim infratuzilma obyektlariga yo‘llangan raketa zarbalari oqibatida Ukraina Qurolli kuchlarining 40 dan ortiq harbiy xizmatchisi halok bo‘ldi. Bu haqda prezident ma’muriyati rahbari maslahatchisi Oleksiy Arestovich brifingda ma’lum qildi, deb yozmoqda “Ukrainskaya pravda”.
Ukraina rasmiylarida 10 nafar tinch aholining o‘limi haqida ham ma’lumotlar bor. Avvalroq Ukraina ichki ishlar vazirligi Mariupol, Odessa va Xerson viloyatlaridagi qurbonlar to‘g‘risida ma’lumot bergandi.
Arestovichning so‘zlariga ko‘ra, Donbassda eng og‘ir janglar davom etmoqda. U boshqa xavfli yo‘nalishlar sifatida Qrim, Chernigov va Xarkovni qayd etdi. Maslahatchining so‘zlariga ko‘ra, bu hududlarda Rossiya qo‘shinlari Ukraina hududi bo‘ylab 10 kilometrdan ham ichkariroqqa siljimagan.
Avvalroq Rossiya Mudofaa vazirligi Ukraina havo bazalari yo‘q qilingani va Ukraina qurolli kuchlari havo hujumidan mudofaa “bostirilgani” haqida xabar bergan edi. Vazirlik Ukraina shaharlariga zarba berilganini rad etdi, shuningdek, Ukraina Xavfsizlik xizmati Rossiyani “tasviriy va nomutanosib zarbalar”da ayblash uchun “axborot provokatsiyalari” tayyorlanayotganini aytdi.
Izoh (0)