Bugun,

  • USD 11095.31
  • RUB 173.84
  • EUR 10772.44

Respublika zaxirasida 18 million 300 ming doza vaksina bor. Bu haqda 23-fevral kuni bo‘lib o‘tgan Respublika maxsus komissiyasining navbatdagi yig‘ilishida Sanitariya-epidemiologiya xizmati boshlig‘i Bahodir Yusupaliyev aytib o‘tdi, deya xabar bermoqda “Daryo” muxbiri.

Yig‘ilishda Bahodir Yusupaliyev shu yilning avgust oyiga qadar mamlakatga qancha miqdorda vaksina olib kelinishini ma’lum qildi.

Bahodir Yusupaliev

Bahodir Yusupaliev
Foto: “Daryo”

“Koronavirus boshlangandan beri kasallikka qarshi emlash tadbirlari uchun olib kelingan va mahalliy sharoitda ishlab chiqarilgan yetti turdagi vaksinalar jami 53 million 700 ming dozaga yetdi. Shundan 45 million 300 ming doza qo‘llandi. Mart, iyun va iyul oylarida yana 4 million doza Pfizer, 7 million 500 ming doza Moderna vaksinasi olib kelinadi”, — dedi xizmat boshlig‘i.

Ta’kidlanishicha, respublikada emlanganlar soni 21 million 500 ming nafarga yetgan. Shundan birinchi dozani 19 million 600 ming kishi, ikkinchi dozani esa (to‘liq emlanganlar) 15 million 400 ming nafar shaxs olgan bo‘lsa, buster doza olganlar 10 million 300 ming nafarni tashkil etmoqda.

“Mamlakatda koronavirus tarqalganlik darajasi 0,4 foiz. Jahon sog‘liqni saqlash tashkiloti ekspertlari xulosasiga ko‘ra, 1 foizgacha bo‘lgan ko‘rsatgich vaziyat barqarorligini anglatadi. 2022-yilning yanvar oyida 103 tez yordam xizmatiga kunlik chaqiriqlar soni respublika bo‘yicha 34 mingta edi, oxirgi kunlarda esa 20 mingta bo‘lmoqda. Ya’ni deyarli 1,5 barobar kamaydi. So‘nggi kunlarda yanvar oyiga nisbatan koronavirus bilan kasallangan bemorlarni davolashga mo‘ljallangan 1- va 2-son Zangiota shifoxonalariga yotqizilayotgan bemorlar 7 baravar kamaygan”, — dedi Bahodir Yusupaliyev.

Ma’lumot uchun, 22-fevral kungi holatiga ko‘ra dunyoning 221 davlatida jami 426 million 500 ming nafar bemorda koronavirus infeksiyasi aniqlangan. Ulardan 5 million 900 ming nafari vafot etgan. O‘zbekistonda esa 23-fevral kungi holatga ko‘ra, koronavirus infeksiyasi qayd etilganlar soni 235 ming 880 nafarni, sog‘ayganlar 231 ming 32 nafarni (98 foiz) tashkil etmoqda. Kasallikdan vafot etganlar soni 1 ming 626 nafarga yetgan.

Mazkur yig‘ilishda 1-martdan boshlab fuqarolarning ochiq havoda niqob taqmasligiga ruxsat berilgandi.

Izoh
Asosiy yangiliklar
Sport
Tata Steel Chess 2023. Nodirbek Abdusattorov amerikalik raqibi bilan durang o‘ynadi va hamon musobaqa peshqadami bo‘lib turibdi. Javohir Sindorovda ham durang
Mahalliy
Surxondaryodan topilgan ayiq bolasi zooparkka topshirildi
Mahalliy
O‘zbek tili darsligida musiqa asboblari nomi xato yozilgani aytildi (video)