Prezident Shavkat Mirziyoyevning Qoraqalpog‘istonga tashrifi Mo‘ynoq tumanidan boshlangani to‘g‘risida xabar berilgandi. Davlat rahbari ayni vaqtda tuman faollari bilan uchrashuv o‘tkazmoqda, deya xabar berdi “Daryo” muxbiri.
“Agar Toshkentdan tibbiyot sohasi vakillari Qoraqalpog‘istonga kelib ishlasa, ularning oylik maoshiga 100 foiz ustama haq to‘laymiz. Shuningdek, tibbiyot xodimlari Mo‘ynoqqa kelib ishlasa, ularning ustama haqi ikki baravar bo‘ladi”, — deydi davlat rahbari.
Prezident mazkur yo‘nalishda qaror ishlab chiqish bo‘yicha topshiriq bergan. Toshkent viloyati mazkur yo‘nalishda 32 milliard so‘m ajratishi ma’lum qilingan.
Shuningdek, Toshkent viloyati hokimi Zoir Mirzayev Mo‘ynoqda 2022-yilda turli sohalarda amalga oshiriladigan ishlar yuzasidan taqdimot o‘tkazgan.
Izoh (0)