Davlat statistika qo‘mitasi O‘zbekistonda 2022-yilning yanvar oyida ayrim turdagi yoqilg‘i mahsulotlari va transport vositalarining ishlab chiqarish hajmi haqida ma’lumot berdi.
Qo‘mitaning ma’lum qilishicha, yanvar oyida 1 dona avtobus ishlab chiqarilgan. 2021-yilning dekabr oyida ko‘rsatkich 156 tani tashkil etgandi. Bundan kelib chiqadiki, bir oyda avtobus ishlab chiqarish hajmi 155 taga kamaygan.
Shuningdek, 97,8 ming tonna avtomobil benzini ishlab chiqarilgan. Benzin ishlab chiqarish hajmi 2021-yilning dekabr oyi bilan solishtirganda 4,6 ming tonnaga kamaygan. Dekabrda 102,4 ming tonna benzin ishlab chiqarilgandi.
Shunga qaramay, ko‘rsatkich 2021-yilning mos davriga nisbatan 4,2 foizga oshgan.
2022 yilning yanvar oyida ayrim turdagi sanoat mahsulotlarini ishlab chiqarish hajmi quyidagicha:
- avtomobil benzini – 97,8 ming tonna;
- ko‘mir – 481,6 ming tonna;
- neft – 61,8 ming tonna;
- gaz kondensati – 120,4 ming tonna;
- yengil avtomobil – 14 046 dona;
- avtobus – 1 dona;
- yuk avtomobillari – 50 dona;
- avtomobil dvigatellari – 12,6 ming dona.
Izoh (0)