Bugun,

  • USD 11095.31
  • RUB 173.84
  • EUR 10772.44

Oliy Majlis Qonunchilik palatasi deputati Rasul Kusherbayev o‘zining Telegram’dagi kanali orqali Namangan viloyatining Chust tumanida kanalizatsiya tarmog‘idan “qon oqayotgani” tasvirlangan videoni e’lon qildi. Viloyat suv ta’minotining ma’lum qilishicha, holat yuzasidan tezkor surishtiruv o‘tkazilgan.

Ijtimoiy tarmoqlarda muhokamaga sabab bo‘layotgan videoda Chust tumani “Sarimsoqtepa” MFYdagi kanalizatsiya tarmog‘i tasvirlangan.

“Mazkur holat tarmoqlardagi tiqilish natijasida kelib chiqqan bo‘lib, 2022-yilning 18-fevral kuni aniqlangan hamda hududiy oqova tozalash bo‘limining Chust filiali tomonidan bartaraf etilgan, nazoratchi tomonidan 22-fevral kuni vizual tekshiruv o‘tkazilganda avariya holati aniqlanmagan”, — deyiladi munosabatda.

Shuningdek, oqova tarmoqlarida oqayotgan qizil rangli suyuqlik qon emas, tarmoqqa ulangan tozalash vositalari ishlab chiqaruvchi fabrikadan chiqqan kimyoviy moddalar ta’sirida oqova suvlarining rangi ekani aniqlangan.

Ta’kidlanishicha, ushbu masala yuzasidan qo‘shimcha o‘rganish o‘tkazilib, yakuni bo‘yicha ma’lumot beriladi.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Mahalliy
O‘zbekistonda pomidor narxi barqarorlashdi