O‘zbekistondagi tijorat banklarida dollar kursi birinchi marta 10 945 so‘mgacha ko‘tarildi

O‘zbekistondagi bir nechta tijorat banklari 22-fevral, seshanba kuni dollar valyutasining so‘mga nisbatan kursini oshirdi.

Aksariyat banklar 1 AQSh dollarini 10 830 so‘mga sotib olishni, 10 945 so‘mga sotishni taklif qilmoqda. Bu eng yangi yuqori ko‘rsatkich. Bundan oldingi rekord bir kun oldin — 12-yanvar kuni o‘rnatilgan edi — 1 AQSh dollarining kursi 10 910 so‘mga chiqqan.

Quyida dollarning yangi qiymatini e’lon qilgan ayrim banklar keltirilgan:

• “Davrbank”: sotib olish — 10 850 so‘m, sotish — 10 945 so‘m.
• “Savdogar bank”: sotib olish — 10 850 so‘m, sotish — 10 940 so‘m;
• “Aloqa bank”: sotib olish — 10 860 so‘m, sotish — 10 920 so‘m;
• “Turonbank”: sotib olish — 10 875 so‘m, sotish — 10 945 so‘m;
• “Mikrokredit bank”: sotib olish — 10 860 so‘m, sotish — 10 940 so‘m;
• “Kapitalbank”: sotib olish — 10 840 so‘m, sotish — 10 900 so‘m;
• Asia Alliance Bank: sotib olish — 10 860 so‘m, sotish — 10 940 so‘m.

Markaziy bank 22-fevraldan xorijiy valyutalarning o‘zbek so‘miga nisbatan yangi qiymatini belgiladi. Unga ko‘ra, dollarning rasmiy kursi 46,85 so‘mga ko‘tarilib, 10 888,07 so‘mni tashkil qildi.