Bugun,

  • USD 11095.31
  • RUB 173.84
  • EUR 10772.44

Jons Hopkins universiteti ma’lumotlariga ko‘ra, dunyoda koronavirusga chalinganlar soni 424 496 141 kishini tashkil qilmoqda, shularning 5 888 183 nafari vafot etgan. Ayni vaqtga qadar jahon bo‘yicha 10,352 milliard doza vaksina qo‘llangan.

Kasallanganlar soni bo‘yicha AQSh (78,4 million), Hindiston (42,8 million), Braziliya (28,2 million), Fransiya (22,4 million) va Buyuk Britaniya (18,7 million) eng oldinda bormoqda.

Foto: Getty Images

Foto: Getty Images

Koronavirusga qarshi emlanmagan barcha yoshdagi sayyohlar 1-martdan boshlab Isroilga ikkita PZR-testini topshirish orqali kirishi mumkin.

Mamlakat bosh vaziri Naftali Bennet Haaretz nashriga bergan intervyusida shunday degan: “Biz kasallanish haqidagi ma’lumotlarning barqaror kamayib borayotganiga guvoh bo‘lyapmiz, shuning uchun chegaralarni asta-sekin qayta ochish vaqti keldi”.

Isroilga kirish uchun emlanmaganlar mamlakatga uchishdan oldin va kelganidan keyin PZR-testidan o‘tishi kerak bo‘ladi.

17-fevral kuni Isroil hukumati 1-martdan boshlab mamlakatda yopiq joylarga va yirik tadbirlarga tashrif buyurish uchun talab etiladigan COVID-pasportlarining bekor qilinishini bildirgandi. O‘shanda Bennet Isroil mamlakatdagi omikron to‘lqinini “yengganini” aytgan.

Isroil koronavirusning omikron shtammi paydo bo‘lganidan keyin o‘z chegaralarini yopgan dunyodagi birinchi davlat bo‘lgandi.

Buyuk Britaniya bosh vaziri Boris Jonson 21-fevral kuni mamlakat qanday qilib “COVID-19 bilan yashashi” haqidagi rejalarini e’lon qildi.

Ta’kidlanishicha, boshqa cheklovlar qatorida COVID-testi musbat chiqqan va kasallar bilan aloqada bo‘lgan shaxslar uchun majburiy o‘zini-o‘zi izolyatsiya qilish tartibini bekor qilish rejalashtirilgan. Hisobotga ko‘ra, hukumat “vaksinaga asoslangan” yondashuvni amalga oshirishni rejalashtirmoqda va virus bilan yashash “vaksinalar tomonidan ta’minlangan kuchli aholi immunitetiga” bog‘liq, degan fikrda.

Buyuk Britaniya hukumatining favqulodda vaziyatlar bo‘yicha maslahat guruhi (SAGE) “Buyuk Britaniyada pandemiya endi qanday yo‘ldan ketishi borasida jiddiy noaniqlik” mavjud, deb hisoblaydi.

“Bugun mamlakatimiz tarixidagi yana bir eng og‘ir davrdan keyingi faxrlanish lahzasi bo‘ladi, chunki biz COVID-19 bilan yashashni o‘rganishni boshlaymiz. Pandemiya hali tugamagan, ammo vaksinalarning aql bovar qilmas darajada joriy etilishi tufayli biz endi normal holatga qaytishga bir qadam yaqinlashdik va nihoyat o‘zimizni shuningdek, boshqalarni himoya qilishda davom etib, odamlarga erkinliklarini qaytarib beramiz”, — deyiladi bosh vazir idorasining bayonotida.

Agar omikron to‘lqinidan keyin dunyoda infeksiyaga chalinishlar sonida katta o‘sish kuzatilmasa, koronavirus pandemiyasi 2022-yil oxirigacha tugashi mumkin, deydi Jahon sog‘liqni saqlash tashkilotining (JSST) Rossiyadagi maxsus vakili Melita Vuynovich.

“Hozir prognoz qilish qiyin, ammo umid qilamizki, agar boshqa hodisa sodir bo‘lmasa, pandemiya 2022-yilda tugaydi. Pandemiyaning tugashi nima degani? Bu kasallanish holatlarida katta ko‘tarilishlar bo‘lmaydi, degan ma’noni anglatadi, ammo virus yo‘qoladi degani emas”, — dedi u.

JSST vakilining so‘zlariga ko‘ra, virusning mutatsiyaga uchragash qobiliyati va boshqa ko‘plab infeksiyalar vaziyat qanday rivojlanishini aniq bashorat qilishga imkon bermaydi. “Ammo omikron butun dunyoni aylanib chiqqach, katta epidemiyalar tugaydi, degan ehtiyotkor optimizm bor”, — dedi Vuynovich.

Uning so‘zlariga ko‘ra, JSST pandemiya qachon tugashini aniq bashorat qilishga urinyapti, ammo hozir mamlakatlar “o‘zlarining testdan o‘tkazish strategiyalarini o‘zgartirayotgani” sababli qiyinchiliklar yuzaga kelmoqda. Uning tushuntirishicha, omikron shtammi juda yuqumli va tez tarqaladi, asemptomatik infeksiyalarning ko‘pligini hisobga olib, “ba’zi mamlakatlarda hammani tekshirish uchun moliyaviy yoki boshqa imkoniyatlar yo‘q”.

“Biz ko‘rib turgan tasvir pandemiya boshida va delta to‘lqini paytida bo‘lgani kabi, virus yuqtirganlarning aniq sonini to‘liq aks ettirmaydi”, — deya xulosa qildi JSST vakili.

2021-yilning dekabr oyida JSST rahbari Tedros Gebreyesus ham 2022-yil koronavirus pandemiyasiga barham beriladigan yil bo‘lishi mumkinligini aytgandi.

Izoh
Asosiy yangiliklar
Dunyo
Qirg‘izistonda 9 kishida “Seftriakson”ga allergik reaksiya kuzatildi, bir kishi vafot etdi
Mahalliy
Oʻzbekiston energetikasi: ortayotgan talab, taqchillik va koʻrilayotgan choralar haqida
Maslahatlar
Shirinliklar o‘rniga nima iste’mol qilish mumkin? Qaddi-qomatga zararsiz tavsiyalar