O‘zbekiston yo‘llarida so‘nggi kunlarda sodir bo‘lgan yo‘l-transport hodisalari tafsilotlarini taqdim etamiz.
Jizzaxda to‘qnashuv oqibatida ikki nafar yo‘lovchi halok bo‘ldi
Qayd etilishicha, YTH 15-fevral kuni 00:10 larda Jizzax viloyati Sharof Rashidov tumani “Xalqobod” mahallasi hududidan o‘tgan Toshkent—Termiz M-39 yo‘lida yuz bergan. “Xayrobod” mahallasida haydovchi (1999-yilda tug‘ilgan) Nexia mashinasini boshqarib borayotib, o‘zidan oldinda harakatlanib kelayotgan Volvo avtomobilini quvib o‘tayotgan vaqtida, old chap tomoniga tegib, boshqaruvni yo‘qotgan va yo‘lni ajratib turuvchi beton to‘siqqa urilgan.
Oqibatda Nexia salonidagi bir nafar erkak va ayol voqea joyida vafot etgan. Haydovchi va yana bir yo‘lovchi, shuningdek, uch nafar voyaga yetmagan bola esa turli tan jarohatlari olib, respublika shoshilinch tibbiy yordam ilmiy markazi viloyat filiali jonlantirish bo‘limiga yotqizilgan.
Holat yuzasidan jinoyat ishi qo‘zg‘atilgan.
Toshkentda to‘qnashuv sabab ikkita mashina ag‘anadi
Toshkent shahar Shayxontohur tumanida 19-fevral kuni uchta mashina ishtirokida yo‘l-transport hodisasi sodir bo‘ldi. Shu kuni kuni soat 22:40 larda Sebzor ko‘chasidagi ko‘prik ustida haydovchilar:
- S.J. (1998-yilda tug‘ilgan) boshqaruvidagi Matiz;
- K.Q. (2001-yilda tug‘ilgan) boshqaruvidagi Spark;
- D.A. (2001-yilda tug‘ilgan) boshqaruvidagi Lada Vesta transport vositalari ishtirokida to‘qnashuv sodir bo‘lgan.
YTHda Spark ichidagi ikki nafar yo‘lovchi tan jarohati olib, shifoxonaga yetkazilgan.
Ayni vaqtda YPX xodimlari tomonidan hodisa joyida haydovchilar ishtirokida tegishli hujjatlar rasmiylashtirilib, surishtiruv harakatlari olib borilmoqda.
Mavzuga doir:
Izoh (0)