O‘zbekistondagi “Magnit Kosmetik”ning birinchi do‘konlari qachon ochilishi ma’lum bo‘ldi

Avvalroq xabar berilganidek, “Magnit Kosmetik” O‘zbekiston bozoriga kirib kelmoqda.

Birinchi do‘konlar bahor boshlarida ochiladi. Bu haqida “Magnit” bosh direktori Yan Dyunning “Investor kuni” tadbirida ma’lum qildi.

“Biz O‘zbekistonda o‘z faoliyatimizni boshlaymiz. O‘z kosmetika biznesimiz bilan O‘zbekiston bozoriga kirishni istayapmiz. Birinchi do‘konlarimizning ochilishi mart va aprel oylariga mo‘ljallangan”, — deydi u.

Uning ta’kidlashicha, do‘kon tovarlari Rossiyadagi do‘konlar tarmog‘idagi kabi xuddi o‘sha ta’minotchilar tomonidan yetkazib beriladi.

Avvalroq O‘zbekiston bozoriga Wildberries internet riteyleri kirib kelgani haqida xabar berilgan edi.

2021-yilning 31-dekabr holatiga ko‘ra, Magnit do‘konlar tarmog‘ining Rossiya Federatsiyasidagi 3 ming 898 ta aholi yashash punktida 26 mingdan ziyod do‘koni, shu jumladan 6,9 mingta “Magnit Kosmetik” do‘konlari joylashgan.