Tailand qirolligi ofisi (ORST) mamlakat poytaxti Bangkok shahrining nomi Krung Txep Maxa Nakxonga o‘zgarishini e’lon qildi. Bu tay tilida “Farishtalar shahri, Buyuk poytaxt” ma’nosini beradi, deb yozmoqda Bangkok Post.
Jamoatchilikning ushbu qarorga nisbtan tanqidlaridan keyin ORST shaharning avvalgi nomi ham taqiqqa uchramasligi, rasmiy hujjatlarda qavs ichida yangi nomdan keyin yozib qo‘yilishini bildirdi.
Hukumat 15-fevralda bosh vazir boshqarmasi tayyorlagan tegishli hujjatni ma’qullagan. Qayd etilishicha poytaxtning yangi nomi loyiha barcha qonun hujjatlarini tekshiradigan maxsus komissiya tomonidan ma’qullanganidan keyin kuchga kiradi. Komissiyaga Tailand tashqi ishlar vazirligining bu boradagi mulohazalari ham kiritilgan.
Qonun loyihasini ORST’ning mamlakatlar, hududlar, ma’muriy birlashmalar va shaharlar nomi va yozilishining dolzarbligi masalalari bilan shug‘ullanuvchi qo‘mitasi taklif etgan.
Amaldorlar ushbu hujjatga Italiya poytaxti Rimning ikki nomga ega ekani, Nepal qirolligining Nepal federal demokratik respublikasiga aylangani va qayta nomlangani, Myanma poytaxtining nomi Yangon emas Neypidoga o‘zgargani haqidagi ma’lumotlarni ilova qilgan.
Bangkokdan o‘zgaradigan Tailand poytaxtining to‘liq nomi – Krung Txep Maxa Nakxon Amon Rattanakosin Maxintarayuttxaya Maxadilok Pxop Nopparat Ratchatxani Burirum Udomratchanivet Maxasatan Amon Piman Avatan Satit Sakkatxatiyya Vitsunukam Prasit.
Izoh (0)