Suriya shimolida “Jabhat an-Nusra” terrorchilik guruhining hujumi oqibatida ikki nafar suriyalik harbiy halok bo‘ldi, yana to‘qqiz nafari jarohat oldi. Bu haqda Rossiyaning mamlakatdagi Nizolashayotgan tomonlarni yarashtirish markazi rahbari o‘rinbosari Oleg Juravlyovga tayanib, “RIA Novosti” xabar berdi.
O‘tgan bir sutka ichida Idlibdagi deeskalatsiya zonasida to‘qqiz marotaba o‘t ochish holatlari qayd etilgan: to‘rttasi — Halab viloyatida, beshtasi esa Idlib viloyatida.
“Halab viloyatida snayper yordamida o‘q uzilishi oqibatida bir nafar suriyalik harbiy xizmatchi yaralandi. Minomyotlar orqali o‘t ochilishi oqibatida esa bir nafar suriyalik harbiy halok bo‘ldi va yana uch nafari jarohat oldi... Idlibda hukumat kuchlarining pozitsiyasiga snayperlar yordamida o‘t ochilishi natijasida ikki nafar suriyalik harbiy xizmatchi yaralandi. Minomyotlarda o‘t ochilishi oqibatida esa bir nafar suriyalik halok bo‘ldi va yana uch nafar harbiy jarohat oldi”, — deydi Juravlyov brifingda.
Suriyada fuqarolar urushi 2011-yildan beri davom etmoqda. 2017-yilda Moskva IShID terrorchilik tashkiloti yakson etilgani va o‘z bo‘linmalarini mamlakat hududidan olib chiqish berishni boshlashini e’lon qilgan. Respublikaning alohida tumanlarida jangarilarga qarshi kurashlar davom etmoqda.
Avvalroq IShIDning sobiq jangarilari soxta pasportlar yordamida Suriyani tark etayotgani, Suriyaning AQSh nazorati ostidagi hududlarida sodir etilgan teraktlar oqibatida 18 kishi halok bo‘lgani, Bayden Suriyadagi maxsus amaliyotda IShID yetakchisi o‘ldirilganini e’lon qilgani to‘g‘risida xabar berilgandi.
Izoh (0)