Bugun,

  • USD 11095.31
  • RUB 173.84
  • EUR 10772.44

Davlat xavfsizlik xizmati “Islom davlati” terror tashkiloti (IShID)ning yana bir a’zosini xorijda qo‘lga olib, O‘zbekistonga olib keldi.

Foto: Telegram / “Xavfsizlik”

Foto: Telegram / “Xavfsizlik”

Ma’lum qilinishicha, 53 yoshli D.U. o‘g‘li D.X. (1994-yilda tug‘ilgan) bilan birgalikda 2009–2015-yillarda Rossiyada mehnat migranti sifatida ishlashi davrida ijtimoiy tarmoqlar orqali xalqaro terrorchilik tashkilotlari a’zolarining ta’siriga tushib qolgan.

Natijada, 2015-yilning sentabr oyida ota-bola o‘zlarining shaxsini oshkor qilmaslik maqsadida Tojikistonning soxta pasportini rasmiylashtirib, Turkiya orqali Suriya davlatiga boradi hamda IShID xalqaro terroristik tashkiloti a’zolari safiga qo‘shilib, jangovar harakatlarda ishtirok etishadi.

Keyinroq D.U. Suriyadan MDH davlatlaridan biriga qo‘poruvchilik harakatlarini amalga oshirish maqsadida qaytib kelgan. Davlat xavfsizlik xizmati xodimlarining xorijiy hamkorlar bilan birgalikda olib borgan tezkor-qidiruv tadbirlari natijasida D.U. ushlanib, O‘zbekistonga olib kelingan.

Ta’kidlanishicha, qo‘lga olish vaqtida D.U. faol qarshilik ko‘rsatgan bo‘lsa, keyingi jarayonlarda u o‘zining “jihod” qilish borasidagi qarashlaridan voz kechmaganini bildirgan. Hozirda unga nisbatan Jinoyat kodeksining tegishli moddalari bilan qo‘zg‘atilgan jinoyat ishi doirasida tergov harakatlari olib borilmoqda.

Shuningdek, D.U.ning o‘g‘liga nisbatan qidiruv e’lon qilingan.

Avvalroq Suriyadagi jangarilar safiga qo‘shilmoqchi bo‘lgan o‘zbekistonlik erkak Rossiyada ushlangani, O‘zbekistonda qidiruvda bo‘lgan shaxs Rossiyada qo‘lga olingani, Davlat xavfsizlik xizmati xodimlari xalqaro terroristik tashkilotga aloqadorligi uchun qidiruvda bo‘lgan 26 yoshli S.S.ni xorijdan O‘zbekistonga olib kelgani, Qirg‘izistonning O‘sh shahrida “Hizb ut-Tahrir” diniy-ekstremistik tashkilotining O‘zbekistondagi faoliyatiga mas’ul bo‘lgan fuqaro qo‘lga olingani to‘g‘risida xabar berilgandi.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Mahalliy
O‘zbekistonda dollar kursi yana oshdi