Tojikistondan O‘zbekiston orqali Rossiyaga chiqib ketmoqchi bo‘lgan giyohvandlik vositalari ortilgan yuk mashinasi to‘xtatib qolindi. Bu haqda Davlat bojxona qo‘mitasi xabar berdi.
Ma’lum qilinishicha, 21 tonnadan ortiq paxta ortilgan yuk mashinasini Toshkent viloyati “Oybek” chegara postida inspeksion ko‘rikdan o‘tkazish davomida bojxona xodimlarida jiddiy shubha uyg‘ongan. Tekshiruv jarayonida yuk avtomashinasining tirkamasiga giyohvandlik vositalari yashirilgani ma’lum bo‘lgan.
Aniqlanishicha, giyohvandlik vositalari 232 dona o‘ramda bo‘lib, ularning umumiy og‘irligi 229 kilogramm 719 grammni tashkil etgan. To‘xtatib qolingan giyohvand moddalarning Yevropa qora bozorlaridagi narxi hozirda o‘rtacha 12-14 million AQSh dollarini tashkil qiladi.
Hozirda ushbu holat yuzasidan bojxona organlari tomonidan jinoyat ishi qo‘zg‘atilib, tergov harakatlari davom ettirilmoqda.
Avvalroq Toshkent viloyatida tojikistonlik shaxs salkam 11 kg gashish giyohvand moddasi bilan qo‘lga tushgani, Buxorodagi xonadonda Afg‘oniston fuqarosiga tegishli 54 kg giyohvand modda ko‘mib qo‘yilgani aniqlangani, Qoraqalpog‘iston, Samarqand va Namanganda giyohvand moddalarni mamlakat hududiga olib kirgan shaxslar qo‘lga olingani to‘g‘risida xabar berilgandi.
Mavzuga doir:
- “Afg‘onistondan 13 tonnadan ortiq narkotik Termizga kirib kelgan”. DXX iste’fodagi polkovnigi “Ginness rekordlari kitobi”ga kiritilishi mumkin bo‘lgan jinoyatni gapirib berdi
- Toshkent viloyatida 77 kg giyohvandlik vositasini kartoshka ko‘rinishida yashirgan narkokuryerlar ushlandi (video)
- DXX Samarqandda 1,2 kg giyohvand moddalar savdosiga chek qo‘ydi
Izoh (0)