Jizzax viloyati Mirzacho‘l tumanida ijtimoiy tarmoq orqali tanishgan ayolni shaxsiy rasmlarini internetda tarqatish bilan qo‘rqitib, undan pul talab qilgan shaxs ushlandi.
Qayd etilishicha, 2022-yil 28-yanvar kuni T.F. (36 yoshli) viloyat IIB boshlig‘i nomiga ariza bilan murojaat qilgan. Unda 2021-yil iyul oyida Facebook ijtimoiy tarmog‘i orqali Turkiya fuqarosi A.Ch. (38 yoshli) bilan tanishib qolgani, shu vaqtdan boshlab u bilan yaqin munosabatlarda bo‘lib kelib, A.Ch. uning sir saqlanishi lozim bo‘lgan ma’lumotlarini o‘z uyali aloqa vositasiga yuklab olganini aytgan.
A.Ch. ushbu ma’lumotlarni internet tarmoqlarida tarqatish bilan qo‘rqitib, agar ma’lumotlar oshkor bo‘lmasligini xohlasa, unga 10 million so‘m berishini talab qilgan. O‘z navbatida T.F. noiloj ahvolda qolib, pul to‘plab, o‘zining ukasi orqali A.Ch.ga 5 million so‘m pullarni taqdim qilgan.
Tergovga qadar tekshirish davomida A.Ch.ning foydalanuvida bo‘lgan Samsung A71 telefon apparati ko‘zdan kechirilganda, uning xotirasida fuqaro T.F.ning 64 dona rasmi borligi aniqlanib, ushbu telefon apparati ashyoviy dalil tariqasida rasmiylashtirib olingan.
Mazkur holat yuzasidan Mirzacho‘l tuman IIB huzuridagi Tergov guruhi tomonidan Jinoyat kodeksining 165-moddasi 1-qismi (tovlamachilik) bilan jinoyat ishi qo‘zg‘atilgan.
Hozirda dastlabki tergov harakatlari olib borilmoqda.
Mavzuga doir:
- Andijonda fuqaroning MIB hisobiga o‘tkazib yuborgan ortiqcha 7,5 million so‘mni qaytarish uchun 3 mln so‘m talab qilgan bank yuristi va MIB xodimi qamoqqa olindi
- Qashqadaryoda ayolning behayo videosini tarqatmaslik uchun 900 dollar va qimmatbaho buyumlar talab qilgan erkak ushlandi
- Namanganda xotini bilan gaplashgan yigitni o‘ldirish bilan qo‘rqitib, undan 7 mln so‘m talab qilgan erkak ushlandi
Izoh (0)