Shimoliy Koreya yadro poligoni hududida zilzila sodir bo‘ldi

KXDR shimoli-sharqidagi Pxungeri yadro poligoni joylashgan Kilju okrugida 3,1 magnitudali zilzila yuz berdi. Bu haqda Janubiy Koreya meteorologiya boshqarmasiga tayanib, “TASS” xabar berdi.

Xabarga ko‘ra, yer silkinishlari 10:35 da (Toshkent vaqti bilan 06:35) 17 kilometr chuqurlikda qayd etilgan. Ta’kidlanishicha, zilzila yadroviy qurilmaning portlashi emas, balki tabiiy tektonik jarayonlar natijasida yuzaga kelgan.

Janubiy Koreya meteorologiya boshqarmasi ma’lumotlariga ko‘ra, bu hududda 1978-yildan beri 2,0 va undan yuqori magnitudali 25 ta zilzila sodir bo‘lgan. Ulardan eng kuchlisi — 3,2 magnitudali zilzila 2017-yilning 23-sentabrida qayd etilgan.

2006—2017-yillarda KXDR poligonida jami oltita yadroviy portlash amalga oshirilgan. Seysmik stansiyalarning ma’lumotlariga ko‘ra, ulardan birinchisi Paektusan vulqoni ostida, qolganlari Mantapsan tog‘i ostidagi tunnellarda amalga oshirilgan. 2018-yilda poligon KXDR rasmiylarining xayrixohligi bilan yopilgan. Keyinroq Amerika razvedkasi poligon yopilganiga shubha bildirgan. Unga ko‘ra, yadroviy maydon istalgan vaqtda foydalanishga topshirilishi mumkin