“PSJ” futbolchilarning maoshi uchun qancha pul sarflashi ma’lum bo‘ldi.
Mundo Deportivo xabariga ko‘ra, fransuz klubining maoshlar vedomosti 629 million yevroni tashkil etadi. Bundan tashqari, yana 136 million yevro maoshlar bilan bog‘liq turli xarajatlarga sarflanadi. Bu Liga 1 ning barcha klublari maoshlar uchun sarflaydigan mablag‘ning (1,73 milliard yevro) 37 foizini tashkil etadi.
Shuningdek, 629 million yevro — Yevropadagi eng yuqori maoshlar vedomosti hisoblanadi.
2020/21-yilgi mavsumda parijliklar maoshlar uchun, taxminan, 500 million yevro, 2019/20-yilgi mavsumda 414 million yevro, 2018/19-yilgi mavsumda esa 370 million yevro sarflagan.
Eslatib o‘tamiz, 2021-yilning yozida “PSJ” safiga Lionel Messi, Serxio Ramos, Ashraf Hakimi, Janluiji Donnarumma va Jorjinio Veynaldum singari yuqori maosh oluvchi futbolchilar kelib qo‘shildi.
“PSJ” Fransiya chempionatining 23 turidan keyin 56 ochko bilan musobaqa jadvalida peshqadamlik qilmoqda. Jamoa 2-pog‘onadagi “Marsel”dan 13 ochkoga ilgarilab ketgan.
Izoh (0)