“Daryo” nashri ixtiyoriga fuqarolardan biri Toshkent shahridagi Milliy gvardiya boshqarmasi eshigi yaqinida o‘q ovozlari eshitilganini aytib, holat aks etgan video jo‘natdi. Video yuzasidan Milliy gvardiya axborot xizmati “Daryo”ga izoh berdi.
Ta’kidlanishicha, o‘q ovozlari boshqarma eshigi oldida emas, ichkaridagi mashg‘ulotlar vaqtida eshitilgan.
“Mahalliy aholi buni juda yaxshi biladi va tushunadi. Kimdir birinchi marta shu yo‘nalishdan o‘tgan bo‘lsa, xavotirlangan yoki vahimaga tushgan bo‘lishi mumkin.
Xavotirga va hech qanday vahimaga o‘rin yo‘q. Bu harbiy bo‘linma bo‘lgani sababli harbiy xizmatchilar bilan o‘quv mashg‘ulotlari o‘tkazib turiladi”, — deydi Milliy gvardiya vakili.
Izoh (0)