Amazon kompaniyasi maksimal bazaviy ish haqi miqdorini qariyb ikki baravarga – 160 000 dollardan 350 000 dollarga oshirdi. Bu haqda Bloomberg xabar berdi.
O‘tgan yilda mehnat bozori sezilarli darajada qizg‘in bo‘ldi, biz bir necha yo‘nalishlar bo‘yicha chuqur tahlil olib borib, biznesimiz iqtisodiyoti imkoniyatlarini chamaladik va oxir-oqibat tajribali xodimlarni jalb qilish hamda ularni saqlab qolish maqsadida bazaviy ish haqi darajasini oldingi yillardan ko‘ra ko‘proq oshirishga qaror qildik, – deyiladi kompaniyaning o‘z xodimlariga yo‘llagan xabarnomasida.
Amazon dunyo bo‘yicha ko‘plab xodimlarga to‘lanadigan ish haqi darajalarini oshirayotgani va aksiyalar orqali mukofotlashni reklama aksiyalariga muvofiq o‘zgartirayotganini bildirdi. Yirik kompaniyalar singari Amazon ham xodimlarni jalb qilish va saqlab qolish bilan bog‘liq masalalarga duch kelgan.
Bazaviy ish haqi darajalari past bo‘lishiga qaramay, kompaniya xodimlarni aksiyalar bilan rag‘batlantirish ularni o‘ziga jalb qilishini e’tiborga olgan holda ushbu ko‘rinishdagi mukofot usulidan ko‘pdan buyon foydalanib keladi.
Biroq 2021-yilda S&P 500 ko‘rsatkichi 27 foizga ko‘tarilgan bir paytda aksiyalar bor-yo‘g‘i 2,4 foizga yetdi, buning oqibatida strategiya o‘z jozibadorligini yo‘qotdi. Ommaviy axborot vositalarida yozishlaricha, Amazon’dagi xodimlar qo‘nimsizligi inqiroz darajasiga yetib, 50 nafar vitse-prezident ishdan ketgan.
Onlayn savdo giganti butun dunyo bo‘ylab, soatbay haq to‘lanadigan ombor ishchisidan boshlab yillik daromad oluvchi ofis xodimigacha bo‘lgan 1,6 mln nafar ishchini ishga oldi. Kompaniya dushanba kuni e’lon qilingan ish haqi miqdorini qancha xodim olishini aytishdan bosh tortdi.
Amazon ombor ishchilariga soatiga kamida 15 dollar haq to‘lab kelgan bo‘lsa, o‘tgan yilning sentabr oyida ularning o‘rtacha ish haqini soatiga 18 dollarga oshirishini aytgan. Pandemiya davrida kompaniya tomonidan logistik operatsiyalarga ko‘p mablag‘ sarflandi, minglab ishchilar yollandi va yangi xodimlarga bonuslar taqdim etildi.
Sarmoyadorlar Amazon’ning ortib borayotgan sarf-xarajatlarini xavotir bilan kuzatib borishayotgan edi, biroq o‘tgan hafta to‘rtinchi chorakda kompaniya tomondan erishilgan yirik natija va yillik Prime obunaning 20 dollardan 139 dollarga yetgani ularga yengillik hissini bergani sir emas.
Izoh (0)