Turkiya tomonidan Ukrainaga uchuvchisiz boshqariladigan Bayraktar jangovar apparatlarining yetkazib berilishi katta xato hisoblanadi. Bu haqda “Vatan” partiyasi bosh kotibi Dog‘u Perinchek ma’lum qildi, deb xabar beradi Son Dakika.
“Turkiya tomonidan Ukrainaga Bayraktar uchuvchisiz boshqariladigan uchish apparatlarining yetkazib berilishi katta xatodir. Ushbu qurollanish oxir-oqibat nafaqat Rossiyaga, balki Turiyaning o‘ziga qarshi ishlatiladi”, — deydi u.
3-fevral kuni prezident Vladimir Zelenskiy Kiyev va Anqara Ukrainada Bayraktar dronlarini ishlab chiqarishni kengaytirish bo‘yicha kelishuvga erishganini ma’lum qilgandi. Siyosatchi bu boradagi bitimning imzolanishi yangi ish o‘rinlarini yaratishi va mamlakat mudofaa qobiliyatini oshirishini ta’kidlagan.
“Vatan” partiyasi — Turkiyadagi so‘l millatchilar partiyasi hisoblanadi. Partiya o‘zini “avangard” deb ta’riflaydi va o‘z maqsadi sifatida sotsialistlar, inqilobchilar, turk millatchilari va kamolchilarni birlashtirish ekanini da’vo qiladi. Amerikaga qarshi, rossiyaparast va xitoyparast yo‘nalishga amal qiladi, Eron va Shimoliy Koreya kabi davlatlar bilan munosabatlarni mustahkamlashga chaqiradi.
Izoh (0)