Ijtimoiy tarmoqlarda 6-fevral kuni Toshkent metropolitenining poyezd vagonlari to‘xtab qolgani aks etgan videolavha tarqaldi. “Toshkent metropoliteni” davlat unitar korxonasi holatga izoh berdi.
Qayd etilishicha, “Mustaqillik maydoni” bekatida harakat xavfsizligini ta’minlash maqsadida 2-sonli yo‘nalishdagi harakat tarkibining texnik moslamalari mashinist tomonidan qayta ko‘rikdan o‘tkazilgan. Shu bois ushbu poyezd harakati 2 daqiqaga kechikkan.
“Qisqa muddatli texnik ko‘rikdan so‘ng yo‘lovchilar ushbu poyezdda doimgidek harakatlanishgan”, — deyiladi xabarda.
Eslatib o‘tamiz, shu kabi holat 5-fevral kuni ham sodir bo‘lgandi — “Xalqlar do‘stligi” va “Milliy bog‘” bekatlari oralig‘ida harakatlanib kelayotgan 4-sonli harakat tarkibida texnik nosozlik kuzatilgan va poyezd harakatdan to‘xtagan.
Izoh (0)