Eldor Shomurodovning Italiya Kubogi 1/8 finalidan o‘rin olgan “Lechche” darvozasiga kiritgan to‘pi “Roma”ning yanvar oyidagi eng chiroyli goli deb topildi.
Ovoz berish yakunlariga ko‘ra, Shomurodovning goli Lorenso Pellegrini, Temmi Abraham va Nikolo Zanioloning gollarini ortda qoldirgan.
Qayd etish kerak, avvalroq Eldor Janubiy Sudanga qarshi o‘yinda O‘zbekiston milliy terma jamoasining 500-goliga mualliflik qilgandi.
Eslatib o‘tamiz, Rim klubi 2021-yilning yozida 17,5 million yevro evaziga “Jenoa”dan Eldor Shomurodovni sotib olgan. Eldor 2021/22-yilgi mavsumda “Roma” safida barcha musobaqalarda 27 o‘yin o‘tkazib, 4 ta gol va 5 ta golli uzatmani amalga oshirdi.
“Roma” Italiya chempionatining 23-turidan keyin 38 ochko bilan 6-o‘rinda bormoqda. Rimliklar 24-tur doirasidagi o‘yinini 5-fevral kuni “Jenoa”ga qarshi o‘tkazadi.
Izoh (0)