Buxoro viloyati Olot tumanida 28-yanvar kuni fuqaroga tanishlari orqali ishga kiritib qo‘yishni va’da berib, 2 ming dollar olgan shaxs qo‘lga olindi, deya xabar bermoqda “Daryo” muxbiri.
Ta’kidlanishicha, K.K. ismli shaxs shu tumanda yashovchi fuqaro P.F.ga uni tanishlari orqali Buxoro neftni qayta ishlash zavodi MChJga ishga joylashtirib qo‘yishni va’da bergan. Buning evaziga 2 ming dollar so‘ragan va pulni ishga joylashtiradigan tanishiga olib borib berishini bildirgan. U fuqarodan kelishilgan pulni pora sifatida olgan vaqtida ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Samarqandda “O‘zbekiston temir yo‘llari”ga ishga kiritib qo‘yish uchun 3 ming dollar pora olgan temiryo‘lchi ushlandi
- Navoiyda tug‘ruqxonaga ishga kiritib qo‘yish uchun fuqarodan 7 mln so‘m olgan shifokor qo‘lga olindi
- Buxoroda shifoxonaga ishga kiritib qo‘yish evaziga fuqarodan 500 dollar so‘ragan shaxs qo‘lga olindi
Izoh (0)