Bugun,

  • USD 11095.31
  • RUB 173.84
  • EUR 10772.44

Rossiya “Aeroflot” kompaniyasining Sankt-Peterburgdan Samarqandga uchayotgan AFL-2870 reysi Qozog‘istonga favqulodda qo‘ndi. Bu haqda Uzbekistan Airports matbuot xizmati xabar berdi.

Foto: Uzbekistan Airports

Foto: Uzbekistan Airports

Ma’lum qilinishicha, bortida 56 nafar yo‘lovchi bo‘lgan samolyot 3-fevral kuni mahalliy vaqt bilan soat 10:56 da Qozog‘stonning Qizilo‘rda shahriga qo‘ngan. Bunga yo‘lovchilardan biri bo‘lgan o‘zbekistonlik ayol yuragida muammo paydo bo‘lgani sabab tez tibbiy yordamga muhtojligi sabab bo‘lgan.

Samolyot qo‘ngach, ayol aerodromdan tez yordam mashinasida olib ketilgan va malakali tibbiy yordam ko‘rsatish uchun tibbiy muassasaga yotqizilgan.

Toshkent vaqti bilan soat 12:20 da esa 55 nafar yo‘lovchi qolgan samolyot Samarqand aeroportiga qo‘ngan.

Eslatib o‘tamiz, 8-yanvar kuni Moskvadan Toshkentga uchayotgan samolyot o‘layotgan yo‘lovchi sabab Qozonga qo‘nishga majbur bo‘lgandi. 25-yanvarda esa Urganchdan Moskvaga uchgan samolyot yo‘lovchilardan birining ahvoli og‘irlashgani sabab Orenburgga favqulodda qo‘ngandi. Biroq 63 yoshli yo‘lovchi shifokorlar yetib kelguniga qadar layner salonida vafot etgan.

Izoh
Asosiy yangiliklar
Dunyo
Ukraina tashqi ishlar vaziri Putinning “Zelenskiyni o‘ldirmaslik” bo‘yicha bergan va’dasiga munosabat bildirdi
Sport
A Seriya. Eldor Shomurodovning debyut o‘yinida “Spetsiya” o‘zida “Napoli”ga yirik hisobda yutqazdi
Dunyo
Marsdan ham sovuqroq: AQSHda havo harorati tarixiy rekordni yangiladi (video)