Urugvay terma jamoasi hujumchisi Luis Suares JCh—2022 saralashi doirasidagi Venesuelaga qarshi bahsda (4:1) penaltini aniq amalga oshirdi.
Shu tariqa “Atletiko” hujumchisi mundiallar saralash bahslari doirasidagi gollari sonini 28 taga yetkazdi va Lionel Messini (27 ta gol) ortda qoldirib, Janubiy Amerika mintaqasida birinchi o‘ringa chiqib oldi.
Shuningdek, Suares dunyo futboli tarixida saralash bahslarida 28 ta gol urgan eronlik Karim Bageriga tenglashib oldi.
Jahon Chempionati saralashlaridagi gollar soni bo‘yicha rekord Gvatemala futbolchisi Karlos Ruisga tegishli. Uning hisobida 39 ta gol mavjud. Undan tashqari Krishtianu Ronaldu (Portugaliya, 36 ta gol) va Ali Dayi (Eron, 35) kuchli uchlikdan joy olgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)