APL jamoalari qishki transfer oynasida pul sarflash bo‘yicha o‘z tarixidagi ikkinchi eng yuqori natijani qayd etdi

APL klublari 2022-yil yanvar oyidagi qishki transferlar oynasida 295 million funt sarfladi. Bu haqida BBC ma’lum qildi.

Bu liga tarixidagi ikkinchi eng yuqori natija. Bundan yuqori natija 2018-yil yanvar oyida qayd etilgan bo‘lib, o‘shanda ingliz jamoalari transferlarga 430 million funt sarflagan edi. 2021-yilgi transferlar oynasida APL klublari ko‘rsatkichi 70 million funtni tashkil etgandi.

Qishki transfer oynasida APL musobaqa jadvalining quyi o‘rinlaridan joy egallagan 5 klub — “Everton”, “Norvich”, “Nyukasl”, “Uotford” va “Byornli” umumiy hisobda 150 million funt sarfladi.

Qolgan top-4 liga klublarining qishki transfer oynasida sarflagan pullarini qo‘shib hisoblaganda 380 million yevroni (316 mln funt) tashkil etadi.