Isroil prezidenti Isxak Gersog va uning rafiqasi 30-yanvar kuni Birlashgan Arab Amirliklariga (BAA) birinchi rasmiy tashrif bilan uchib ketgani to‘g‘risida xabar berilgandi. BAA hukumati Gersogning mamlakatga tashrifi davomida yamanlik isyonchi xusiylar tomonidan uchirilgan ballistik raketani tutib qolib, yo‘q qildi, deb xabar bermoqda Associated Press.
BAAning WAM davlat axborot agentligi ma’lumotlariga ko‘ra, “hujum biror-bir yo‘qotishga olib kelmagan, chunki ballistik raketa qoldiqlari aholi punktlaridan tashqariga qulagan”.
Amirlik aviatsiya hukumatining ma’lum qilishicha, mazkur raketa hujumi BAAdagi aviaqatnovlarga ta’sir ko‘rsatmagan.
Raketa orqali uyushtirilgan hujum Fors ko‘rfazidagi keskinlikni yanada kuchaytiradi, avvalroq amirlik yaqinida hujumlar seriyasi sodir etilgandi. Bu Yamanda uzoq yillardan beri davom etayotgan urush va Eronning dunyo yetakchilari bilan yadro kelishuvini buzgan bir paytda sodir bo‘lmoqda.
Isroil prezidentli Isxak Gersog mamlakatda davlat tashrifi bilan bo‘lib turibdi. U 30-yanvar kuni Abu-Dabi valiahd shahzodasi Muhammad bin Zaid al-Nahayon bilan uchrashgan. Gersog Dubayda o‘tkazilayotgan “Ekspo-2020” xalqaro ko‘rgazmasiga ham tashrif buyurishi rejalashtirilgan.
Eslatib o‘tamiz, 2021-yilning mart oyida tarixda birinchi marta BAA elchisi Isroilning Tel-Aviv shahriga tashrif buyurgandi. 14-iyul kuni esa BAA Tel-Aviv shahrida o‘z elchixonasini rasman ochgan. O‘sha yilning iyun oyi oxirida Abu-Dabida Isroil elchixonasi ochilgan edi.
Izoh (0)