“Barselona” hujumkor yarim himoyachisi Usmon Dembele faoliyatini APL yoki Liga 1 da davom ettirishi mumkin.
Marca nashrining xabar qilishicha, Premyer Ligadan “Chelsi”, “Manchester Yunayted” va “Nyukasl” klublari unga qiziqish bildirgan. Turli variantlar ko‘rib chiqilmoqda, shu jumladan mavsum oxirigacha ijara ham. Usmonning agenti Mussa Sissoko mijozini ingliz klubida ko‘rmoqchi.
Shuningdek, fransuzning xizmatlariga “PSJ”dan ham qiziqish bor. Ammo futbolchiga ko‘proq APL varianti ma’qul kelmoqda.
Dembelening vakillari “Barselona” bilan 2022-yilning yozida yakuniga yetadigan shartnomani uzaytirish borasida kelisha olmadi. Avvalroq katalonlar futbolchini qishki transfer oynasida sotib yubormoqchi ekani va transfer amalga oshmagan taqdirda Dembele yozgacha asosiy jamoadan chetlatilishi haqida xabarlar paydo bo‘lgandi.
24 yoshli futbolchi La Liga joriy mavsumida 6 ta o‘yin o‘tkazib, ikkita golli uzatma muallifiga aylandi.
Izoh (0)