O‘zbekiston milliy terma jamoasidagi koronavirus bilan bog‘liq vaziyat borasida ma’lumot berildi.

Foto: O‘FA

Dubaydagi yig‘inda ishtirok etayotgan O‘zbekiston milliy terma jamoasi a’zolari navbatdagi PZR-testlarini topshirgan. Unga ko‘ra, Abubakr Rizo Turdialiyevda koronavirus aniqlangan. Futbolchi hozirda o‘zini yaxshi his qilmoqda va boshqa simptomlar ko‘zga tashlanmayapti. Turdialiyev bir necha kundan so‘ng qayta test topshiradi.

Avvalroq Ibrohimxalil Yo‘ldoshev va Odiljon Hamrobekovda Covid-19 aniqlangan edi. Ularning qayta topshirgan test natijalari manfiy chiqqan. Shifokorlar ko‘rigidan so‘ng ikkala futbolchiga ham karantindan chiqishga va mashg‘ulotlarni davom ettirishga ruxsat berilgan.

Eslatib o‘tamiz, O‘zbekiston terma jamoasi mazkur yig‘in doirasida 23-yanvar kuni “Al-Vahda” jamoasi bilan o‘rtoqlik o‘yini o‘tkazib, 1:0 hisobida g‘alaba qozondi. 27-yanvar, payshanba kuni esa Janubiy Sudan 3:0 hisobida taslim etildi. Shuningdek, Dubaydagi yig‘in doirasida 1-fevral kuni Yangi Zelandiyaga qarshi o‘rtoqlik o‘yini o‘tkazilishi rejalashtirilgan.