“Real”ning kam o‘yin amaliyotiga ega bo‘layotgan futbolchilari jamoani tark etish istagida emas.

Foto: Getty Images

Marca nashrining xabariga ko‘ra, “qaymoqranglilar” qishki transfer oynasida himoyachi Marselo, yarim himoyachilar Garet Beyl va Iskoni sotib yuborishga tayyor. Ammo futbolchilar shartnomasi yakunigacha jamoada qolib, yozda erkin agent sifatida boshqa jamoaga o‘tishni xohlamoqda.

Himoyachi Xesus Valyexo va hujumchi Mariano Dias esa “Real”ni tark etish istagida emas. Ular o‘yin amaliyotiga ega bo‘lishga umid qilmoqda.

Eden Azar esa vaziyatni o‘zgartirgan holda, “Real”ning asosiy tarkib futbolchisiga aylanishiga ishonadi. Avvalroq Eden Azarning “Real” prezidentni Florentino Peres sababli “Real”ni tark etishni xohlayotgani haqida xabar berilgandi.

Klub rahbariyati Madridni tark etishni istamayotgan Marselo, Beyl va Iskoni erkin agent sifatida yozda qo‘yib yuborishga tayyor, shuningdek, qolgan uch futbolchi borasida esa ziddiyatga bormasdan qaror qabul qilishga intilmoqda.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!