E’tiboringizga “Kommersant” nashri tomonidan dunyoning yetakchi siyosatchilari tomonidan aytilgan iqtiboslarni taqdim qilishda davom etamiz. Bu safar Xitoy Xalq Respublikasi raisi Si Szinpin qayd etgan muhim jihatlar, uning dunyoqarashini, tafakkurini, siyosiy karyerasini belgilab bergan gaplarning tarjimalarini havola etamiz.
Xitoyni chegaralash haqidaXitoy xalqi tashqi kuchlarning kamsitishga, azoblashga va chegaralab qo‘yishga urinishiga chidab turmaydi. Bu ishlarni qilish haqida o‘ylayotganlar 1,4 milliard aholisi bo‘lgan va har qanday boshni yoradigan Xitoy xalqining peshana teri va qonidan barpo qilingan temir devorga kelib uriladi.2021-yil 1-iyulda Tyanmendagi maydonda Xitoy kommunistik partiyasining 100 yilligiga bag‘ishlangan tadbirdagi nutqdan.
Xitoy sotsializmiBiz butun dunyo uchun to‘g‘ri keladigan, hamma uchun absolyut – bir xildagi barglar bo‘lmaydi deb hisoblaymiz… Xitoyga xos sotsializm rivojlanadi va takomillashib boradi. U vaziyat o‘zgarishiga qarab oldinga siljishda davom etishi mumkin. Biz sivilizatsiyaning har qanday yutug‘ini o‘zlashtirishga tayyormiz, lekin hech qachon boshqa mamlakatlarning rivojlanish modelidan nusxa olmaymiz.
2013-yil 20-martda jurnalist Mixail Gusmanga bergan intervyusida aytib o‘tgan gaplari.
Hayoti davomidagi eng oliy maqsadiOnam rasmlarga boy kitobchadan Yue Feye tarixini o‘qib berardi (Sunlar hukmronligi davrida yashagan qo‘mondon). O‘shanda belga tatuirovka chizdirish juda og‘riqli bo‘lishi haqida so‘ragandim! Oyim, albatta, og‘riq bo‘lishini, biroq bu Yue Feye obraziga singib ketganini aytgandi. “Szin Chjun Bao Go”, “mamlakatga sadoqat bilan xizmat qilish”— men ushbu so‘zlarni, to‘rt iyeroglifni bir umrga yodlab qoldim. Hayotimdagi oliy maqsadimga aylantirdim.Xitoy markaziy televideniyesida 2020-yil 12-mayda namoyish etilgan hujjatli filmda aytgan gaplari.
Hobbi“Juda band bo‘lishimga qaramay, imkon tug‘ildi deguncha yaqinlarimga vaqt ajratishga harakat qilaman… Hobbilarim ko‘p, ayniqsa, mutolaa jon-u dilim. Kitob o‘qish — hayotimning ajralmas qismiga aylangan. Shuningdek, sport ixlosmandiman, suzish va alpinizmni yoqtiraman, yoshligimda futbol hamda voleybol o‘ynaganman”.
2013-yil 20-martda jurnalist Mixail Gusmanga bergan intervyuda aytilgan gaplar.
Ekologiya haqidaInsoniyat tabiat qonunlariga rioya qilibgina atrof-muhitni o‘zlashtirishda kelgusida qimmatga tushadigan xatolar qilmasligi mumkin. Biz tabiatga keltirgan har qanday zarar yakunda o‘zimizga qaytadi. Bunday holat hammamizda bo‘lgan va bu real hayot.2017-yil 18-oktabrda Xitoy kommunistik partiyasining Butunxitoy qurultoyidagi chiqishidan olingan iqtibos.
AvtonomiyalarMilliy suverenitetni, xavfsizlik va rivojlanish yo‘lidagi manfaatlarimizni himoya qilishda davom etamiz, Gonkongda hamda Makao ma’muriy hududida barqarorlikni ta’minlaymiz. Shuningdek, biz Tayvan mustaqilligini ta’minlash uchun berilayotgan zarbalarga javob qaytarishimiz zarur.
2021-yil 1-iyulda Tyanmendagi maydonda Xitoy kommunistik partiyasining 100 yilligiga bag‘ishlangan tadbirdagi nutqdan.
Mavzuga doir: Si Szinpin Tayvan va Xitoyni tinch yo‘l bilan birlashtirish tarafdori ekanini bildirdi
Xitoy orzusi“Xitoy orzusini amalga oshirish – xiyobonda sayr qilish emas. Bunga erishish, ko‘zlangan manzilga yetish uchun do‘mbiralar va qo‘ng‘iroq jarangidan ko‘proq narsa talab etiladi. Xitoy xalqi — buyuk xalq, u og‘ir damlardan o‘tgan, lekin taslim bo‘lmaydi. Xitoy xalqi — buyuk xalq; u mehnatsevar va mard, hech qachon taraqqiyot sari intilishdan to‘xtamaydi”.2017-yil 18-oktabrda Xitoy kommunistik partiyasining Butunxitoy qurultoyidagi nutqda aytilgan gaplar.
Putin haqidaBiz prezident Putin bilan yaqin ishchi munosabatlarini o‘rnatganmiz, shu bilan birga, qalin do‘stmiz. Rossiya men eng ko‘p boradigan davlatlardan biri, Vladimir Putin esa yaqin do‘stim va menga yaxshi hamkasb.
2019-yil 5-iyunda Rossiyaga tashrif vaqtida aytilgan gaplardan olingan iqtibos.
AQSh haqidaIkki mamlakat (AQSh va Xitoy) bir-birini hurmat qilishi va tushunishi, munosabatlarni kengaytirishi va keskinliklarni bartaraf etishi zarur, shuningdek, asosiy ikki tomonlama manfaatlar masalasida hurmatni saqlagan holda ushbu holatdan uchinchi tomonning foydalanib qolishiga yo‘l qo‘ymasligi kerak… Agar Xitoy va AQShdek ikki katta davlat o‘zaro hamkorlik qilmasa, dunyoda nimalar bo‘lishi mumkinligini tasavvur qilish qiyin.
AQShning The Wall Street Journal nashriga 2015-yil 22-sentabrda bergan intervyusidan parcha.
Koronavirus haqidaVirusga qarshi birdamlikni kuchaytirishimiz va ushbu jarayondan birgalikda o‘tishimiz zarur. Ilm-fanning tavsiyalariga amal qilishimiz, JSSTning yetakchi roldagi boshqaruviga ko‘mak ko‘rsatishimiz, shu bilan birga virusni yengish uchun unga qarshi turishning xalqaro mexanizmini ishga tushirishimiz lozim. Pandemiyani siyosiylashtirish yoki unga qandaydir tamg‘a urish harakatlari inkor etilishi shart.2020-yil 22-sentabrda BMT Bosh assambleyasiga qilgan videomurojaatida aytgan gaplari.
Izoh (0)