Energetika vazirligi 27-yanvar, soat 14:00 holatiga ko‘ra, respublika hududlarida elektr energiyasi ta’minoti bilan bog‘liq holat yuzasidan ma’lumot berdi.
Unga ko‘ra, Qoraqalpog‘iston Respublikasi, Buxoro, Jizzax, Qashqadaryo, Surxondaryo, Navoiy, Samarqand, Sirdaryo, Xorazm, Toshkent viloyatlari va Toshkent shahrida 100 foiz, Namangan va Farg‘ona viloyatlarida 91 foiz, Andijon viloyatida esa 89 foiz elektr energiyasi ta’minoti tiklangan.
Soat 16:00 da barcha hududlarda elektr energiyasi ta’minoti to‘liq tiklanishi rejalashtirilgan.
Eslatib o‘tamiz, Energetika vazirligi tizimda yuzaga kelgan muammolarni bartaraf etish uchun barcha choralar ko‘rilyayotganini ma’lum qilgandi. Iste’molchilarga tabiiy gaz yetkazib berish bo‘yicha ishlar ham davom ettirilmoqda. 27-yanvardan boshlab O‘zbekistonning ayrim hududlaridagi gaz zapravkalar ishi tiklana boshladi.
Qishloq xo‘jaligi vaziri o‘rinbosari Shuhrat Mirzayevning so‘zlariga ko‘ra, energotizmidagi nosozliklar ortidan qishloq xo‘jaligi mahsulotlarining narxi keskin oshib ketmaydi.
Izoh (0)